化妝班最後一堂.^_^.

今天放工後去了舊同學的教會，
上最後一堂學費$50為期兩堂既化妝班！
靜雞雞話比大家聽我學完依兩堂後，
會係中心教班老友記為期六堂既化妝班，
正所謂現學現買就係咁啦！

番完學相約咗"小豬"一齊食甜品，
食咗一個好好味既抺茶雪糕加羊羹同傾咗餐飽！
好滿足呀！

"你坤人"你放心，我雖然很開心好滿足，但唔會忘記你既需要既！
願 主祝福你及你媽媽！

你坤人弟兄：願平安祝福歸與你！.>_<.

今天收到同事短訊叫小妹為他媽媽代禱！
因為他媽媽需即時做手術，
無論你認識或唔認識"你坤人"弟兄，
都希望你們能為他禱告啦！

因為歌仔都有得唱啦~~
多禱告多有力量 少禱告少有力量
不禱告沒有力量 我們要常常禱告

親愛的同事仔"你坤人"：
『願 從神而來的祝福和平安常與你及李媽媽同在，阿們！』

唐牧師與麥太的故事.^_^.

有一日，
麥太講唸故事比麥兜聽，
『從前有個小朋友好夜都唔瞓覺，最後佢死咗！』
而今日，
有唐崇榮牧師講道比大家聽，
『十八世紀法國瑪麗皇后因未嘗過苦難，故對其他人沒有同情心，最後比人民送上斷頭台！』
接著唐牧師叫大家一齊講一次：
『受苦就要懂得同情別人，無同情心最後就要斬頭！』

唔~~~總覺得有二曲同功之妙!

05書展.^_^.

今天下午放假與"血腥Carol"一齊去書展，
嘩~~好多人呀! (PS:點解平日下午都咁多人嫁！)
嘩~~行咗好耐呀! (PS:行咗6個鐘呀!死未！)
嘩~~今年唔係買咗好多書咋!
(PS:買咗3本書8張金句書籤及1個布袋仔！嘻~~)
嘩~~累死人啦!!
嘩~~~~
嘩~~~~

放完3天假既後遺症..>_<..

唉~~~
一番到中心就忙到放工都未停過手，
一回到岡位就讓人有立刻辭職既衝動，
一放完假就咁~~~~好想計劃放一個更長既假呢！
唉~~~~~我想休息吓呀!
Jacob快d過嚟幫主人按摩！
喵~~~

充實的放假天.^_^.

1/ 先落去旺角花墟買花然後去拜祭故友！
2/ 與故友家人飲茶
3/ 相約了"血腥Carol"去睇荒失失奇兵
4/ 去了菲利浦的開倉日，買了"詠春"的入伙禮物!
5/ 去了想去很久的果一道餐廳吃晚餐!
6/ 回家途中去了書店，幫"大家姐"cancel一套了訂很久也沒有消息的書！

感謝主！
讓孩子每天也過得很充實呢！
喵~~

翻過浪潮.^_^.

睇完i姊妹既blog令我唸起依首歌！
各位弟兄姊妹一齊比心機呀！

【翻過浪潮】
面對四周轉變像百千浪潮，我願迎戰每日多紛擾。
但我跌倒千次令信心動搖，喪掉前進心志浪裡飄。
迷亂世界誰定價值風裡搖，讓我找到信念作指標。
就算四周嘲笑像百千浪潮，竭力迎戰翻過浪潮。

面對四周轉變像百千浪潮，我願迎戰每日多紛擾。
浪裡跌倒千次令信心動搖，繼續前進堅決似火燒！
時代進退迷惑我像洶湧潮，讓我抓緊信念作指標。
就算四周恐嚇像百千浪潮，竭力迎戰翻過浪潮。

副歌：誰能於眼看你我生活真相？誰能察覺笑面有創傷？
　　　讓真摯關懷作我一生取向，叫灰暗心靈變光亮！
　　　求能以信仰化作生活歌唱，融和愛與恕日日奏響！
　　　讓基督精神作我一生取向，互勉勵成壯志，巨浪潮湧不怕遇上！

血腥的關心.^_^.

多謝"大食花"及"Tera媽"的關心及支持！
多謝你們的血腥小禮物！
多謝你們在忙碌中抽空陪伴我吃飯！
多謝你們即使身邊有比我更需要安慰既家人時但仍想起我！
多謝你們自己心情也不好時仍顧念我！
多謝你們！

最後
多謝神！賜予一班施予愛心給我的朋友！
感謝祢！

我不要做一個商人$_$

我要做一個有誠信的人！
我要做一個有憐憫的人！
我要做一個有愛心的基督徒！

我不要做一個用商業手法做福利的同工！
我不要做一個單方面要求他人付出的人！
我不要做一個做什麼都先想利益的商人！

我只想做一個盡力工作、服務社會的人！
我只想做一個與人和睦、彼此相助的人！
我只想做一個手潔心清、愛人如己的基督徒！

在這個社會中似乎不容易！
神啊！求祢幫助我！

ACM練歌日，深深感到『每日主愛牽』.^_^.

每天也讚頌，每天都歌唱
就算面臨痛苦憂傷，
我找到快樂，我找到指引，
在愛內尋索新方向。

感謝主！祢暢我聲音！
感謝主！祢暢我歌唱的能力！
感謝主！祢讓我能用歌聲事奉祢！
感謝主！祢叫我事奉祢的同時得著安慰！
感謝主！祢的愛！
Hallelujah！

冷靜思考"+_+"

唔~~~不能再低落下去！
得力在乎平靜安穏！

先要冷靜分析、細察思量！

我要耐心等侯、不能讓自己迷失！

羅馬書12章12至19節
在指望中要喜樂，在患難中要忍耐，禱告要恆切。 聖徒缺乏要幫補；客要一味地款待。逼迫你們的，要給他們祝福；只要祝福，不可咒詛。與喜樂的人要同樂；與哀哭的人要同哭。要彼此同心；不要志氣高大，倒要俯就卑微的人（人或作事）；不要自以為聰明。不要以惡報惡；眾人以為美的事要留心去做。若是能行，總要盡力與眾人和睦。親愛的弟兄，不要自己伸冤，寧可讓步，聽憑主怒（或作讓人發怒）；因為經上記著：「主說：『伸冤在我；我必報應。』」

感謝神！祢的提醒！

沒有福利的福利界！唉~~~~

最近社會福利界大地震，
越來越無福利既福利界真叫人灰心，
無論服務使用者或者同事都存著同樣情況，
唉~~~~~
點解會咁既呢？
人與人之間需要有愛，
但為什麼在社會問題日趨嚴重的情況下，
社會服務卻越縮越少，
同工工作量大都離譜的情況下，
人手卻越cut越多薪酬就不停咁減，
點解會咁既呢？
莫講社會人士同社工既精神健康越來越差，
政府同服務機構既高層為什麼可以視而不見呢？
點解會咁既呢？

今天既保留也不能再積極、樂觀啦！
唉~~~!!..>_<..

神啊！求祢賜我力量！

送給小鳥的一首歌.^_^.

送你一首我曾經很喜歡的歌呢！

走過 主唱：辛曉祺
愛能留是福 愛難守該悟
這一路我走過 甜蜜比苦澀多
有情時知足 無情時莫哭
傷心若太多 記住相愛時侯 記住相愛時侯
你的手 你的手曾那麼溫柔
輕拂過 輕拂過我每個輪廓
無可否認我曾如此快樂 走過 就該珍重
無可否認我曾如此快樂 愛過 夫復何求

悲偒的小鳥..>_<..

今天放棄了午睡聽了一隻"悲傷的小鳥"哭訴，
"小鳥"為感情難過快一年，總是學不會放低！
當一個人只計較自己付出幾多收回幾多，
還有什麼不甘心的東西......
何不計算吓其實你們餘下既愛情又有幾多呢？
不如放開一點想呢~~他並不是上帝為你預備的Mr. Right！
歌仔都有得唱啦！
"The best is yet to come！最好的尚未來臨"

不要只記憶著痛苦既回憶啦！
更不要每天數算著那些人對自己不好！
只要考慮如何能讓自己過得快樂一點啦！

還有

其實我並不是你想那種很幸運、很快樂、從未受過傷害既人！

前幾天才打過以下幾行字送給某些人，

人既一生可能背負着許多不同的傷痛，

我唸能夠忘記被傷害既地方，

記取事件背後所得著之處，

相信讓我哋更積極、勇敢面對未來既挑戰！

而如果話我有咩幸運，

我唸就係小妹在很小時候已經有機會接受福音！

神 讓我心中今天有著平安和愛，

而經驗話我知，

你只要捱過依段時期，

將來神 總會讓你看到祂想你學習的功課呢！

71唱K日.^_^.

今朝有舊同學約我唱K，
好耐無試過唱K-luch，
嘩~~~原來咁便宜！
還唱晒今期少有識唱的新歌！
其實小妹真係好少唱K同唔係好識唱K，
因為總覺得唱K同唱教會詩歌既方法差好遠，
有時候連自己聽落去都有點怪怪既感覺呢！

仲有一個小插曲，
就係今天足足花了1個鐘頭45分鐘才去到荃灣，
因為小妹唔識路又學人去觀塘撘小巴，
搵車搵咗30分鐘都唔成功，
最後死死哋氣行去搭巴士，
又撞著塞車同早咗一個站落車，
唉~~~~救命！
去到目的地明顯遲大到仲疲倦死！