三福隊員生活.^___^.

最近生活很忙碌，

三福課程之功課、備課和背書，

工作常常忙至深夜，

再加上好友們婚禮的協助工作，
皮膚敏感多日仍未能痊癒!
唔~~實在叫人疲累得氣餒！

但三福的課程實在讓人獲益良多，(PS:好正嫁!!)
儘管有點吃力小妹也不要放棄!!

我不要放棄！
我要努力，我要向上！
我要盡忠！
我要堅持落去!!
努力!!努力!!努力!!~~~~

求神加力和幫助!!阿門!!

節錄於某夜與大家姐的對話.^____^.

某夜，"大家姐"看到小妹整理婚禮姊妹既相片！
大家姐：「喂~依組小組唔得喎，唔該換個組呀！」
保留：「好~~~換以下依組比你囉！老細!」
(PS:再配以一個風騷入骨既"豬咀"飛吻及拋了一下媚眼！)

ACM『得勝者』敬拜讚美音樂會完滿結!.^___^.

今年有好的領受!！哈~
今年有快樂的回憶!!哈哈~~
今年亦有感動的時刻!!哈哈哈~~~
今年有好多要唱parts既歌!!呵~
今年那些要分部既歌練習得比往年熟!!呵呵~~
今年讓小妹在合適既時間裏讓心靈得到安慰!!呵呵呵~~~

得勝既主！感謝祢!!
.^_________^.

ACM『得勝者』敬拜讚美音樂會！你今日睇咗未?.^___^.

今晚係第一晚既ACM2006年音樂會！
好多蝦look！好攪笑!!
特別是"感激救主"這首歌的動作！
因為没有時間彩排這首歌，所以詩班員好多都做到"錯晒"!
(ps:嘻....當然也包括了小妹啦!)
未買飛的朋友，還有少量門券，可相約親友一同參與這聚會啊！
門券可往香港城市電腦售票網有售嫁!!.^___^.

還有兩晚的事奉，求主保守每一個工作員、義工及音樂會一切的程序!!

小妹已下定決心，並已坐言起行.^____^.

小妹已覆"三福"導師啦！
正所謂：一不做，二不休！
既然已決定好，惟有比心機啦！
希望各弟兄姊妹私禱中紀念小妹的三福訓練啦!!

神啊！求祢幫忙孩子剛強！

免費廸廸尼之旅.^___^.

沒有玩很久，
亦沒有去了許多館。
排隊卻排了很久，
但人似乎輕鬆了點，只是很疲倦。
唔.....仍然好疲倦!!

痛...>____<...

頭痛+牙痛+胃痛+腰骨痛=真係好痛好痛

鳴.....
好痛.....
鳴.......>____<......

腰仍然很痛，不開心...>____<...

近排好像久不久便要睇醫生，而原因總離不開疲勞過度！(ps：頭暈、貧血、甚至腰痛)最近工作儘管再努力，似乎又無法滿足到一些人的期望。究竟是小妹做得不夠好?還是人心不足的問題呢?

今天不快樂(非常)!!
我疲倦啦!！
許多壓力累積兩肩!!
許多不安填滿心中!!
許多決定拿不定主意!!
許多不滿忍住不想說卻悶著心中!!
許多鬱悶想講卻找不著對象!！
很想好好的哭一場，很想找一處宣洩的地方!!

唔......講吓講吓似乎越來越灰暗，就快可以拍一套"正視抑鬱症"短片啦!!

求神幫助!!我疲倦啦!!

拍攝超人...

現在正在苦中作樂的小妹，超人game!!

http://hk.promo.yahoo.com/movie/superman/Stop_Press_Game/index.html
最高分那次都是110分評語係NOT BAD!!
證明小妹都係無咩攝影天份呢~~~

救命!!好痛...>___<...

好痛!!
痛死人啦!!
好痛呀!!
連Jacob都唔識笑啦~~~

好痛呀...>___<...

首先，在此祝 血腥Carol 生日快樂！早日搵到活祭品！
嘻~~~

由於之前忙中心開幕禮，弄至身心靈皆疲。很想於今次的培靈會中讓自己好好安靜下來，聆聽神的話語！故此，今年最後還是決定推了Carol的生日會，參與這個培靈會。但......鳴.....但....

今天下午腰部突然感到"劇"痛，令小妹不能動，因為一動即痛。然後便於辦公室開始痛到不受控制的掉眼淚，弄至同事們都給小妹嚇壞了。同事們開始想幫忙招白車，送小妹入急症室。但小妹當然不肯，平時就送得老友記入院多，現在如果變成自己總覺得很"火羅"，"NO!" \"(*0*)"/ 。後來有位患有骨痛的同事給予小妹一顆絶情丹(止痛藥)，半小時後開始能慢慢走動，便早退回到藍田看醫生。

醫生叔叔話小妹是累積性疲勞過度，扯傷條根！給小妹刺上一支仙伯銀針(止痛針)，並給予7包回魂丹(藥丸)，回到家後吃了藥便開始昏迷了！醒來後──仍然疼痛未消，所以醫生叔叔請歸還診金！...$__$...

三家姐剛剛去完培靈會歸來，還告訴小妹很有得著，講員亦很講得很流暢、精彩。唔制呀!小妹又要去......鳴.................>____<................

彭伯母與小妹的幽默對白.^___^.

午夜十二點四十五分，剛回到家。
大家姐：「喂!仲咩咁夜先番呀？」
保留：「今晚會議！」
彭伯母：「咁夜仲開會~~~~開黑社會呀！」
保留：「社團有難，做兄弟(同事全部係基督徒)緊係有今生無來世(永生)啦！」
彭伯母：「仲玩，快D沖涼睡覺啦！」
保留立刻從生果盆中取了個栖柚：「唔得住！出嚟行緊係要還，等岔埋栖先至能夠安心睡！」

勇氣~~"(=o=)"~~.

等待和選擇題同樣叫人討厭！

答案影響決定---> 結果變成未知數

Game.^___^.

http://www.gamedesign.jp/flash/kaeru/kaeru.html

小妹花了40分鐘才玩完晒，唔知大家要花多久呢？

小妹的『重光紀念週』!!

忙完715開幕禮，終於重見光明！
雖然這幾天也嘗過最夜11時左右放工，但細算有得回家睡幾小時啦！
死....越來越易滿足添!!
比幾張紀念照各朋友仔睇睇，大家睇吓嗰嗰同事們既眼袋可以放錢幣嫁!
嘻.....
第一張：LE同事
第二張：LE同事+實習學生
第三張：LE同事+實習學生+私家義工

捱到病..>___<..

經歷完四月的自己機構買旗、五月份的賣物會、再來六月份搬地方。
結果係───頂唔順啦！
今天小妹又病倒啦！
病徵有打噴嚏、流鼻水、發燒、仲有新體驗~~"流鼻血"！
故此今天取了病假在家休息！
明天才再起來為工作忙碌吧!!
唉~~~又流鼻血啦!!
Jacob叻紙巾嚟......

女人唔易做，母親更唔易做.^__^.

感謝神，讓孩子有一個偉大的母親！

媽媽，
多謝妳從未曾放棄過我們5姊妹！
多謝妳一切的付出！
還有~~
我愛妳啊!! .^____^.

感謝主！順利完結啦!!.^___^.

感謝昨天"漢文"幫忙預備場地陪小妹到晚上11時多，
感謝今天"Carol"番完夜更，唔訓覺都來中心幫忙!
感謝"詠春"放假都來幫忙，仲前後帶多了兩個義工來！
感謝"阿堅"在唔多熟既情況下，都那麼盡力的幫忙！
感謝"阿坤"幫小妹找到兩個義工幫忙！
感謝"Kevin"及"Karl"係今夜要飛的情況，都承諾"阿坤"到來幫忙！
如何沒有你們的幫忙，今天就不能這麼順利啦!!
多謝你們!
你們的付出和愛心小妹將會記在心裏!!

但最重要既係：
雖然過程真的很疲憊、很辛苦，
仍~~
感謝主，祢垂聽孩子的祈禱！
感謝主，祢充足的預備！
感謝主，祢每天不停的提醒！
感謝主，祢應許恩典夠孩子用！
神啊! 感謝祢!

衝!衝!衝~~~~

明天"義賣日"，今夜最後衝刺!!
因為早兩星期才攪完賣旗，今次的活動預備得有點趕急！
覺得有點吃力！
預備得有點辛苦！
工作得有點灰心！
沒有了以往齊心協力併掂佢的感覺！
當安靜下來時會想，可能之前賣旗及忙裝修事務，已經將同事們忙壞了！
所以今次活動大家似乎提不起勁，而負責策劃的小妹變得很忙碌、很無奈！
一如以往，其實小妹覺得最難纏或最花時間的工作，已獨自承擔了！
但為什麼同事總不能將所妥付，餘下的少少(老實說真的只有少少)工作完成妥呢？
請不要總是踢不動！
請不要坐在窗外看着別人忙！
請不要找太多的藉口，挑選最輕的工作做！
請不要動不動鬧情緒，卻看不到自己的問題！
請不要在忙碌時，還是說比做多(十倍)!

唉~~~太多嚧唆了！

神啊！
求祢讓孩子常存寛恕的心！
求祢讓孩子看到別人的問題時，也要看到自己的罪！
求祢讓孩子心裏常存愛！

好痕呀~~~~

話說小妹昨天去了BBQ！(去捐血!)
除了交了人頭費比燒烤場外，亦被該處的"死蚊"收了許多地租!
小妹右手有7粒蚊咬、左手有1粒、右邊面頰1粒及左邊眼角一粒！
救命呀!好痕呀~~~
那些癢處比昨天更痕、更腫大啦!!
如果明天大家有幸於埔浸遇見小妹可免費參觀。
(PS：名額有限『腫』完即止！...>__<...)
放工後小妹乖乖的去了藥房，買了一支『癢立消~強力無比止癢膏』。
至於支藥膏是否像名字那麼強，用完話大家知！
好痕呀>>>>>>>

Lullaby !!...ZZZZ

送大家一首小妹非常喜歡的歌!!
願 各位朋友仔有一個好夢....zzzzzzzzz

Sleep， lay me down，
Hold me closely in your arms and I will close my eyes.
Please, promise me,
That when I wake up from my dreams, you'll be there by my side.

* Love, if you'll say You won't slip away,
Then I can go dreaming of forever more.
But I won't rest until,
I know that you will be here, in the morning by my side.

Repeat *

In the morning by my side


http://mtv123.com/mtv123play.php?id=33953

My birthday!!

唉~~很久沒有up-date個網上日記!
今日生日要up-date一下內容和記下一些想法先得!!
今年小妹的新曆生日與彭伯母的舊曆生日係同一日！
所以在此講句『媽媽，保留愛妳呀!!祝 生日快樂!!身體健康!!』

過埋今年生日小妹下年生日就要進位啦！
唔...心情呢!!
有些複雜!!

有些害怕!!

有些反思!!
有些立志!!
有些地方想改變!!
有些地方不想改奱!!
嘻.^__^.

總結係~~~~~神啊!感謝祢!!
仲有係~~~~~神啊!求祢繼續保守孩子的心!!

續約與否誰決定??

好快又一年，又係時候決定是否續約？
其實中心如果唸住繼續與小妹續約，
小妹是否今年離開，幾月離開？
應該係由小妹自己既問題！
只要小妹離開時乖乖既補上一個月的時間或者金錢！
所以，
老細請妳別想太多，或做太多有意無意的小動作，ok？
(PS:雖然我唸妳想我走好耐嫁啦!!哈哈!!)
最緊要既係，
請別來煩我!!謝謝！

神啊！心裏壓了一顆大石呢！請讓孩子既心靈能輕省下來！

結婚恐懼症.@__@.

3月18日小朱的"螽斯慶"！(PS:新學的祝賀語，解"新婚之喜"！)
另外，
昨天去了中學同學的飯聚，全圍枱11個人得番四位好姊妹還未結婚！
小妹便與鄰座嘅Edith講笑話，妳估吓餘下四個裏面邊個最遲嫁得出，嘻~~~
老實講小妹估應該係自己呢！
點解？
小妹嘅家族記錄不良嘛！
幾位姐姐和小妹都似乎患有"結婚恐懼症"呢！
呵~~~~

連續三日角聲使團《心弦接觸》音樂會完結啦!!

帶着滿腔鼻涕唱咗一連三日四場的音樂會詩班！
今年係六年來覺得最攪笑的一個音樂聚會!!
有好多趣事、又有好多少少騎呢的攪笑人物！(註：當中包括咗小妹自己！因為第一日小妹就把大會T-shirt前後調轉咗來穿，仲要到中場休息才發現!哈....認真攪笑!!)
還有，
今次的歌很好聽，其中幾首的旋律和歌詞讓人觸動心靈呢！

總括：今次的音樂會是個讓小妹想起會留下會心微笑的經歷!!嘻.^__^.

神啊!!感謝祢!!

傷風未死得.>__<.

高燒未退，
聲音沙啞，
頭痛慾烈，
鼻涕直流！

治療良方：睡覺zzzzzzz

嘩~~~起蜘蛛網啦!!.*__*.

最近忙着許多事情，
這兩天小妹傷風，終於真正要停下來啦!!
唔...係時候up-date吓個日記！
原本有許多事情想記下，但十多天所發生的大小事情，真的話多唔多話少又唔少！到頭來，什麼什麼也不想記下了！
噢....講到尾到係懶惰吧了!!
呵....

新Look!!.^__^.

今次下午與Irene一起去了剪頭髮！
想轉轉新形象嘛！
小妹於是向髮型師要求，想剪一個活潑點的髮型。(ps：女人到某個年紀就想扮後生嘛！嘻~~~)原想把心一橫把長長的頭髮一次過剪短，但髮型師話不贊成剪咁短，最後幫小妹從髮型雜誌選了一個新髮型！
好吧！豁出去啦！最後..
嘩~~~剪到肩膀上少少啦！仲好卷呢!! (PS:小妹自己都唔係好睇得慣呢！)

於是"保留"終擺脫長卷髮既斯文LOOK，轉走及肩卷髮潮人LOOK啦！
感覺輕散了不少呢！(PS：包括心情、頭髮和錢包!!)

沉溺？遇溺?..>O<..

昨晚發夢，夢到自己獨自在大海浮沈。
還清楚記得那種感覺，很寧靜、很舒適的感覺！但心裏隱隱又感到有點寂寞和難過。
醒來後，整天都充斥住一種孤單感。

神啊！今天既保留有點孤單、低落！

情人節..>___<...

各位遲來的情人節快樂！

今年小妹的情人節要番朝九晚十，晚上去了佐敦區洗樓服務人群，對話如下：
保留：『新年加情人節快樂，我哋係社會福利機構既同事，請問你哋自己、家人或者朋友們，有冇需要申請綜緩、傷殘津貼或者情緒輔導等既服務呀？』
街坊甲：『@!!Y%ZGWE.....新年佳節流流就咒我哋一家！BOOM!!』
(PS：本故事順屬虛構，如有雷同實屬巧合！嘻~~~~!!)

角聲使團大型詩班練歌日.^__^.

最近非常忙碌，所以常感到一種疲憊感！今天崇拜後下午需往將軍澳練詩，一想到就感到很疲倦！但後來卻非常感恩！因為在練歌的過程中，讓孩子感到歌詞所帶出的力量！還有，原本有一首歌Alto部份很因難，小妹也非常沒有信心能唱好，但現在又似乎可以過到骨！

感謝神！讓孩子能用歌聲去讚美祢、事奉祢！

順便在此宣傳一下『角聲使團~~心弦接觸培靈佈道音樂會』
日期：2006年3月10日(五)2:00pm(學生場)或7:30pm(公開場)
2006年3月11日(六)2:00pm(公開場)或7:30pm(北宣已包場問我都無飛)
2006年3月12日(日)4:00pm(公開場)
地點：灣仔伊利沙伯體育館
主題：觸動心靈，重修破碎關係；繫上心弦，重譜生命樂章。
費用：全免
(門票於教會書室可索取，不設劃位，所以已取門票的朋友千奇要早點到，唔係真係有機會入唔場或者無位座嫁！)

團長的回應詩.^__^.

原諒 - 張崇基、張崇德

只有恨 是會更加寂寞必需要
拋開積怨的驅殼於世上
誰人從無幻覺犯錯
走進死角不再問
是那方的錯誤只知道
彼此都也覺辛苦請放下
遺忘重重事故嘗試 減輕痛苦

(合)能再看清楚他兩眼睛
能記憶起當天的高興
能原諒他幹過每件壞事情
這種愛才是真感性
能設想他的感覺處境
能徹底將開心窩傾聽
能原諒不再記掛舊日事情
這種愛贏得致敬

(合)神為你捨己甘願犧牲
憑著愛寬恕世上罪人
成就了 祂的應許 祂的拯救
這種愛才是真愛
如你學懂這寬恕的心
憑著它可將心窩拉近
無用再分你我對或錯
一起牽手將永恆擁有
真愛可擁有


神啊！一切明白清楚收到，孩子願意順服！

初一崇拜.^___^.

原本打算回大埔上週六崇拜，但由於時間關係改了初一去了四家姐教會做崇拜！(ps:因為近一點，可以趕回家吃初一早飯及趕緊作"艱苦拜年之旅"！..>__<..)
崇拜講道內容亦讓孩子滿有得着!感謝主!

題目：踏入2006年：你如何計劃面向新的一年？

3個需要避免的錯誤(Three mistakes to avoid)：

1/ 第一錯誤：計劃中沒有神
你們說：“今天或明天，我們要到某城去，在那裡住一年，作生意賺錢。”雅4:13
你們倒不如說：“主若願意，我們就可以活著，作這事或作那事。”雅4:15
心裡的籌劃在於人，舌頭的應對卻出於耶和華。箴16:1
人心計劃自己的道路，他的腳步卻由耶和華指引。箴16:9
總結：惟有上帝才是我們的決斷者和引導者
正確的心態：為所訂的計劃祈禱

2/ 第二錯誤：計劃中對明天自以為是
其實明天怎樣，你們並不知道。你們的生命是甚麼呢？你們本來是過眼雲煙，轉瞬之間就消逝了。雅4:14
但現在你們竟然張狂自誇；這一切自誇，都是邪惡的。雅4:16
不要為明日自誇，因為今天要發生甚麼事，你尚且不知道。箴27:1
所以不要為明天憂慮，因為明天自有明天的憂慮，一天的難處一天當就夠了。”太6:34
總結：不要估計明天將發生什麼事而憂慮，因為其實生命太短暫。
正確的心態：選擇活在今天

3/ 第三錯誤：計劃中沒有計劃做神喜悅的事
人若知道該行善事，卻不去行，這就是他的罪了。雅4:17
我們若遵守　神的命令，這樣，就知道我們已經認識他。凡是說“我已經認識他”，卻不遵守他命令的，就是說謊的人，真理就不在他裡面了。約一2:3至4
總結：其實拖延的順服就等如不順服
正確的心態：？？？ (ps:答案應該在各人心中!!)


反思：面向新的一年，神喜悅我在那些劓上按著祂的心意「去行」呢？

有heart購物日.^__^.

今天晚上約了Irene陪伴小妹買東西！
1/ 隠影眼鏡 (PS:襯有時間行街買嘢入定貨先!!)
2/ 波鞋
3/ 黑色運動袋 (PS：豬肉仔遲了一個月的生日禮物!!)

特別鳴謝Irene耐心的陪伴，因為這份禮物行了很久才買到！
老實講小妹已經找到無心機再去選擇，因為平時買嘢比自己都唔會花咁耐時間去選擇！

今年目標之一"轉工".^__^.

這首歌正好寫出小妹04-05年間對現時的工作感想！雖然小妹有一班相處得很融洽的同事，但在這個地方小妹實在停留太久了，眼看福利界的轉變每況愈下，想轉工卻又害怕，於是便原地踏步、再踏步！

外面 The World Out There - 周迅
歌手：周迅 作曲：金培達
填詞：林夕 編曲：金培達

外面的世界很精彩 我出去會不會失敗
外面的世界特別慷慨 闖出去我就可以活過來

留在這裡我看不到現在 我要出去尋找我的未來
下定了決心改變日子真難捱 吹熄了蠟燭願望就是離開

外面的世界很精彩 我出去會變得可愛
外面的機會來得很快 我一定找到自己的存在
一離開頭也不轉不回來
我離開永遠都不再回來

神啊！求祢暢下平安和勇氣！

放假！正好享受吓懶懶散散的感覺.^__^.

今天放假睡至十時半才起床，實在夠懶散.^__^.
下午在才正式活動！
首先去了換取智力身份証，值得一讚該部門效率真高，前後用了十分鐘左右已完成整個過程！然後小妹就躲在APM間Starbucks Coffee 喝藉小妹最喜歡的Mocha及吃了藍苺芝士蛋糕，一邊閱讀主日學筆記一邊享受放假的休閒！
平時工作那麼忙碌，難得有此投閒置散的時光！
特別覺得珍貴和享受呀！嘻~~~
感謝主！

還有，
雖然遲了一天，但仍想在此講聲，Irene生日快樂！

九型人格.^__^.

尋晚團契聽完有關九型人格既talk!
今天中午崇拜後午飯話題總離不開此，剛剛去了日日老師的日記見佢post咗有關"九型人格"網頁，所以入咗去再玩過！
唔知係咪時間充裕咗，真係睇清楚題目先答！發覺有些題目尋晚好似睇漏咗兩隻字意思轉晒！嘻~~
不過結果同尋晚都有d似！最高分既係
尋晚：第二、八同分(4分)第五、九同分(3分)
今日：第二、五同分(10分)第七、九同分(9分)
奇怪呢~~！小妹都唔覺得自己係理性及者樂於助人型呢！

還有今天下午去了角聲佈道團詩班練歌，救命！
動作、舞蹈及拍子好多都忘記晒！
有時真係懷疑自己係咪咁後生就患上"少年健忘症"？
會唔會有一日好似韓國電影"擁抱這分鐘"既女主角，小妹連晚晚抱住既Jacob猫仔都忘記了呢！？

泰國之旅花絮相片4.^__^.

瘋狂飛車份子！
撞咗三次車都唔死得!!
一切只因太安全!
!嘻~~~~

泰國之旅花絮相片3.^__^.

雖然家姐已經將依位"人妖姐姐"影得佢唔係好靚!
但作為女姓既小妹見到佢都感自信盡失呢!!
唉~~

泰國之旅花絮相片2.^__^.

我唔會驚你嫁!
咬番你!!嘩~~~

泰國之旅花絮.^__^.

Jacob小猫仔由於平時太唔聽話，所以最後被大家姐叻咗去餵鱷魚~~!喵~~~~

泰國歸來.@__@.

昨晚十一時左右由泰國番到香港機場，
好疲倦..>__<..
今天原本打算早上番中心幫吓同事們手，但唔知醒啊!！
Sorry啊同事們~~~~!!

老實講今天係一個身、心都好疲憊之旅!!
1/ 每天十二點打後先有得睡覺，但七點morning call !!
(PS：由於小妹和媽媽同房，而彭伯母係緊張大師，小妹要係morning call半小時前起身預備!!)
2/ 全程全天候陪伴彭伯母在側，深怕跌倒她老人家，小妹跌十次都難逃此罪！
3/ 小妹撞上一些女姓唔方便的日子，所以無得游水加上彭伯母怕坐大飛，所以小妹要陪彭伯母於酒店附近Shopping無法去珊瑚島曬吓太陽啦！..>__<..
(PS:眼看家姐們有得去玩水和太陽伯伯玩，小妹同Jacob猫仔就無得去!鳴.....)

但很感恩以下事情：
1/ 彭伯母、恐龍姐姐們及小妹總算個個平平安安無穿無爛!!
2/ 由於無咩機會游水所以亦無咩機會起雀班啦!!嘻~~~
3/ 睇晒本"最後14堂星期二的課"

本週推介：最後14堂星期二的課
作者：Mitch Albom
閱後感：好好睇呢！令人對生命和現有生活會有所反思的好書！最後兩課小妹睇到眼泛淚光呢!!鳴......墨瑞教授要死啦..>__<..

最後泰國之旅的總結：感謝主！

家庭旅行.^__^.

明天早上5時左右小妹一家大細一齊去泰國旅行！
究竟有幾大同有幾細呢？
最大嗰個有6x歲既彭伯母，而最細嗰個係得9吋高既Jacob小猫仔!!
嘻~~~係啦!
同事們話Jacob小猫仔實在太過幸福啦，因為佢個半月裏面去咗兩轉旅行!!
佢主人我今轉旅行都要做私家看護喎!
啍~~~!
所以我決定唔比佢咁舒服，今轉旅行要逼佢做人妖猫仔!!
幫吓主人搵番d外快補貼吓旅費呀!
嘻~~~~~
喵~~

多謝某朋友仔送我一首好聽歌仔!!係度一齊分享啦!!.^__^.

My love will get you home

If you wander off too far, my love will get you home.
If you follow the wrong star, my love will get you home.
If you ever find yourself, lost and all alone, get back on your feet and think of me,
my love will get you home. Boy, my love will get you home.
If the bright lights blinds your eyes, my love will get you home.
If your troubles break your stride, my love will get you home.
If you ever find yourself, lost and all alone, get back on your feet and think of me,
my love will get you home. Boy, my love will get you home.
If you ever feel ashame, my love will get you home.
If its only you to blame, my love will get you home.
If you ever find yourself, lost and all alone, get back on your feet and think of me,
my love will get you home. Boy, my love will get you home.

http://www.pass-e.com/article.php/678.htm

送舊迎新.^__^.

各位親愛的朋友仔!!
新年快樂!!

願主祝福大家新年蒙福!!